Postoji 5 tipova ljudi koji previše brinu: DA LI STE OČAJNIK, PROROK, PONAVLJAČ ILI…. ?

Koliko puta ste čuli: „Nemoj da brineš“, „Opusti se“, „Sve se u životu dešava s nekim razlogom“…? Iako su svi ti savjeti istiniti i važe u mnogim situacijama, ipak, teško je ne brinuti se.
E sad, kad smo zabrinuti s razlogom, briga je korisno osjećanje koje nas pokreće da preduzmemo korake i riješimo ih ili izbjegnemo nepovoljnu situaciju. Takođe, kada je zasnovana, briga svjedoči i o ljubavi koju osjećamo prema onom za koga se brinemo, ali i prema sebi.

Problem nastaje kada počnemo da zamišljamo loše ishode i kada briga počinje da nas opsjeda.Predstavljamo vam osnovne tipove ljudi koji previše brinu, pa ako se prepoznate među njima, možda ćete bolje razumjeti svoje postupke i promijeniti se.

1. Očajnik
Vi brinete ama baš o svemu. Da li će konobar donijeti jelo koje ste naručili, hoćete li stići u banku prije zatvaranja, brinete hoće li vam se pokvariti tek kupljeni automobil, da li će vam djeca postati dobri ljudi… Ponekad čak brinete kada vam je dosadno zato što ne znate kako da ispunite vrijeme.

Kako da pomognete sebi?
Stavite na papir sve brige koje vas muče ovog trenutka. Nemojte mnogo da razmišljate, samo napišite sve što vam padne na pamet. Pročitajte to što ste napisali i procijenite kojih briga možete da se riješite, a kojih ne možete. Kada budete shvatili koliko vremena i energije trošite na neproduktivne stvari, biće vam lakše da svu snagu usmjerite na važna životna pitanja. U protivnom, ne ginu vam čir ili visok krvni pritisak.

2. Nesiguran
Svjesno ili nesvjesno mislite da možete da kontrolišete kosmos i da ćete, ako dovoljno budete brinuli, uspjeti da spriječite nesreću. Nesigurni ste, pa je briga za vas jedini način da se zaštitite od nepoznatog.

Kako da pomognete sebi?
Živite u sadašnjosti i nađite nešto što će vas zaokupiti i na šta ćete se usredsrediti. Počnite od sitnica… Dok hodate, mislite na ritam koraka, kad jedete, prepustite se mirisima i ukusima… Što se više usredsređujete na sadašnjost i usmjeravate energiju na nju, imaćete manje energije da brinete.

3. Prorok
Mislite da su vaše brige znak katastrofe koja će se dogoditi u budućnosti jer, ako vi imate razloga da budete zabrinuti, to onda sigurno znači da prijetnja postoji.

Kako da pomognete sebi?
Ako se vaša briga pojačava i onemogućava vam da se usredsredite na ono što je bitno, znači da ste na korak od anksioznosti. Stoga, kad god vas ponesu crne misli, dobro izanalizirajte zašto brinete. Kada pronađete uzrok, lakše ćete se riješiti briga i strahova.

4. Ponavljač
Stalno se pitate koji je smisao života i koja je svrha svega što se događa jer mislite da ne treba živjeti u datom trenutku, već sagledavati širu sliku. Možda se nekome učini da vi ozbiljno razmišljate o životnim temama, ali vi samo imate jednu brigu više od ostalih.

Kako da pomognete sebi?
S kojom brigom liježete u krevet i s kojom brigom se budite? Usmjerite energiju na nešto od čega ćete imati koristi i što će vam omogućiti da zadovoljite svoju duhovnu i intelektualnu stranu. Čitajte literaturu u kojoj biste mogli da nađete odgovor na svoja pitanja, razgovarajte s prijateljima, pa ćete zadovoljiti sve potrebe, a opet ćete imati bolji dodir sa stvarnošću.

5. Plašljivko
U glavi stalno vrtite određene događaje i razgovore, brinete se zbog onoga što niste rekli ili jeste rekli i imate utisak da će vas zbog toga svi zaboraviti i ostaviti. Nadate se i da ćete brigom suzbiti žaljenje za nečim iz prošlosti, a zaboravljate da brigom nećete osjetiti olakšanje.

Kako da pomognete sebi?
Umjesto da neprestano osjećate grižu savjesti, naučite da prihvatite sve ono što ne možete da promijenite. Učite na greškama. Riječi – moram, ne mogu, niko, uvijek, nikada – zamijenite pozitivnim – mogu, želim, biram da li hoću ili neću… Zatvorite poglavlje iza sebe i krenite naprijed.