Mladencima poklonila 130 eura za vjenčanje, pa od bezobrazne mlade doživjela strašne uvrede

Vjenčanje bi trebalo da bude najljepši dan u životu svakog para. Ipak, neki na njega gledaju kao na način da dobro i brzo zarade.

Takav jedan slučaj dospio je i na internet, kada je anonimna mlada, koja je prethodno sve goste obavijestila da pokloni moraju da budu isključivo novčane prirode, maltene izvrijeđala bivšu kolegicu koja joj je u kovertu stavila 100 funti, što je oko 130 eura.

Iako je prosijek za novčani poklon u Velikoj Britaniji između 50 i 70 funti, mlada je bila razočarana i poslala je ovaj mail koleginici:

„Jako smo se iznenadili kada smo vidjeli da tvoj novčani doprinos nije u skladu sa dobrim željama mladencima na naš veliki dan, s obzirom na tvoj položaj. Ako želiš to da ispraviš, rado ćemo primiti izmjene u količini novca“, otkrila je Britanka dio poruke.

Ona je istakla i da nije mladina bliska prijateljica, već samo bivša kolegica, sada samo poznanica, i potražila savjet drugih ljudi kako da reaguje na ovu šokantnu situaciju.

Djevojka je objasnila i da dio „s obzirom na tvoj položaj“ vjerovatno ukazuje na njeno nedavno unaprijeđenje, iako joj nije jasno kakve to veze ima sa cifrom koju je odvojila za njeno vjenčanje.

Nakon objave, komentari su počeli samo da se nižu, a većina uključuje savjet da poništi i taj ček na 100 funti, kako bezobrazna mlada ne bi dobila ništa.

 

Komentari

komentara

error: Content is protected !!