Kako oprati veš a da vam se odjeća ne cijepa i ne blijedi?

Koliko puta ste do sada uočili poderotinu ili rupu na omiljenoj majici, a pritom sigurno znate da odjeću nigdje niste zakačili i da nemate moljce u kući? Ukoliko ste se zapitali gde je vaš dragi komad odjeće oštećen, odgovor je jednostavan – u veš mašini.

Naime, vjerovatno niste ni prvi ni posljednji kome se crvena čarapa ušunjala u bijeli veš, pa vam se dragi mjesecima šepurio u roze košuljama na poslu.

Isto tako, niste usamljeni ako iz veš mašine izvlačite odjeću koja je odjednom oštećena. Sve one sitne izvučene niti na džemperima, ili rupice na majicama, nastaju upravo u bubnju i to zbog toga što pravimo sljedeće greške prilikom pranja.

Pretrpavate mašinu

Svaki put kada stavite previše veša u mašinu, ne samo da će vaša odjeća biti kao sažvakana, već rizikujete i da se ošteti, a pritom, neće biti ni oprana lijepo.

Farmerke i nježni materijali

Ako želite da sačuvate lijepe komade odjeće od finih materijala savjet je da ih nikako ne perete u mašini, pogotovo ne sa farmerkama, pantalonama ili suknjama koje imaju rajsferšlus. Ako vas mrzi da perete ovaj veš na ruke, onda bar zakopčajte rajsferšluse prije nego što sve zajedno gurnete u mašinu.

Tečni prašak postoji sa razlogom

Ok, neki ljudi zbog uštede novca ne žele da kupuju tečni prašak, već koriste onaj u prahu za sve, ali to može da znatno ošteti njihovu odjeću. Naime, poznato je da je takav prašak veoma jak i da “jede” boju sa stvari. Ako ne možete ili ne želite da kupujete blaži tečni prašak namijenjen za pranje šarene odjeće ili posebnih materijala, onda bar nemojte puniti fiokicu na mašini do vrha sa praškom.

Komentari

komentara