Hrskavi i ukusni: Recept za štapiće sa maslinama

Integralni štapići sa maslinama i kimom nikoga ne ostavljaju ravnodušnim, a savršeno je da ih jedete uz jogurt ili kiselo mlijeko!


Sastojci:

100 g speltinog brašna
50 g ražanog brašna
50 g ječmenog brašna
1 bjelance
1 kašika kiselog mlijeka
2 kašike maslinovog ulja
Prstohvat ili dva soli
50 ml mlake vode
1 kašičica kima
1 šaka maslina
1 kašičica praška za pecivo

Lanene pločice sa dodatkom susama – omiljena integralna užina koju od sada možete sami da napravite kod kuće – evo recepta!
Priprema:

Masline isjeckajte na polovine, uzduž, pa onda na rebarca. U činiji pomiješajte brašna, prašak za pecivo, kim, prstohvat soli. S njom ne pretjerujte jer masline znaju da budu slane. Koristiila sam one punjene crvenom paprikom. Volim ih jer je uz njih svako pecivo šarenije.

Dodajte i njih u smjesu, sve promiješajte pa dodajte bjelance i ulje. Opet sve promiješajte pa dodajte i vodu. I miješajte prvo kašikom ili varjačom, a onda smjesu prebacite na radnu poloču i malo je doradite. Biće veoma mekana. Forirajte disk pa rukama otkidajte približno iste količine smjese i formirajte štapiće. Prvo  valjajte tijesto u lopticu, zatim u dlanom u štapić.

Prebacite ih na pek papir istavite u pleh, premažite sa malo maslinovog ulja i stavite zagrijanu rernu. Pecite ih na 220 stepeni desetak minuta.